जनकपुरधाम भदौ १३ । मधेश सरकारअन्तर्गत मुख्यमन्त्री तथा मन्त्रिपरिषद् कार्यालयले आर्थिक वर्ष २०७७र०७८ मा झन्डै ६५ लाख रुपैयाँ खर्च गरेर खरिद गरेका ६ वटा सफ्टवेयर अहिलेसम्म कार्यालयको जिन्सीमा नदाखिला गरी गायब पारिएको खुलेको छ।
साफ्टवेयरहरू इनभेन्ट्री म्यानेजमेन्ट, अफिस अटोमेसन, पर्सनल इनफरमेसन, कन्ट्रयाक्ट म्यानेजमेन्ट, प्रोजेक्ट परफरमेन्स र डाटा इन्ट्री रिपोर्टिङ प्रणाली हुन्। ती सफ्टवेयर खरिद भए पनि कहाँ छन् भन्ने प्रष्ट छैन।
तत्कालीन सचिव यमप्रसाद भुषालको एकल निर्णयमा प्रक्रिया र योजना विना सफ्टवेयर खरिद गरिएको स्रोतले जनाएको छ। तीमध्ये केही सफ्टवेयर भ्रष्टाचारमा संलग्न ठहर गरिएका व्यक्ति तथा कम्पनीबाट खरिद गरिएको देखिन्छ। अख्तियार दुरुपयोग अनुसन्धान आयोगले यसबारे छानबिन गरिरहेको छ।
प्रतिक्रिया
सम्बन्धित खवर
