काठमाडौँ भदौ ३० । हाल देशभर मौसम सामान्य रुपमा बदली रहेको छ। मौसम पूर्वानुमान महाशाखाका अनुसार, अहिले लुम्बिनी प्रदेशसहित केही स्थानहरूमा वर्षा भइरहेको छ। आज दिउँसो लुम्बिनी प्रदेश र देशका पहाडी भू–भागका धेरै स्थानमा मध्यम वर्षा हुने सम्भावना छ भने तराईका केही स्थानहरूमा पनि वर्षा हुने देखिन्छ।

महाशाखाका अनुसार गण्डकी, लुम्बिनी र कर्णाली प्रदेशका थोरै स्थानहरूमा तथा कोशी प्रदेशका एक(दुई स्थानमा भारी वर्षा हुनसक्ने जोखिम छ। त्यस्तै, आज राति पनि कोशी, गण्डकी, लुम्बिनी, कर्णाली र सुदूरपश्चिम प्रदेशका धेरै ठाउँहरूमा मध्यम वर्षा हुने सम्भावना रहेको छ। अझै, गण्डकी र लुम्बिनीका केही स्थानमा तथा कर्णाली र सुदूरपश्चिमका एक(दुई स्थानमा भारी वर्षा हुने पनि महाशाखाले जानकारी दिएको छ। मौसममा देखिएको यो बदलीले केही स्थानमा बाढी तथा पहिरोको जोखिम बढ्न सक्ने भएकाले जनतालाई सचेत रहन आग्रह गरिएको छ।