पर्सा भदौ १४ । पर्सा जिल्लामा हैजा र झाडापखालाका संक्रमितको संख्या तीव्र गतिमा बढ्दै गएको छ। स्वास्थ्य कार्यालय, पर्साले शनिबार बिहान ७ बजेसम्मको अपडेट सार्वजनिक गर्दै ७१२ जना संक्रमितको विवरण दिएको छ। तीमध्ये ३३ जना आईसीयूमा, ४ जना एचडीयूमा र १५८ जना सामान्य वार्डमा उपचाररत छन्।

अबैध सँगै, ५१७ जना संक्रमित उपचारपछि निको भई घर फर्किएका छन् भने १९५ जना अझै अस्पतालमा उपचार भइरहेको छ। हैजासम्बन्धी परीक्षण RDT अनुसार, हालसम्म १६२ पोजिटिभ केस रिपोर्ट भएका छन्, जसमा १०१ जना डिस्चार्ज भएका छन् भने ६२ जना अझै उपचारमा छन्। स्वास्थ्य कार्यालयका अनुसार, २८ साउनदेखि तराई अस्पतालमा झाडापखालाका केस देखा परेका थिए। पहिलो हैजाको केस ५ भदौमा पुष्टि भएपछि संघीय सरकार, प्रदेश सरकार, र स्थानीय तहसँग मिलेर नियन्त्रणका लागि जनचेतनामूलक अभियान चलाइएको हो।

कार्यक्रम अन्तर्गत, रेडियो संदेश, र्‍याली, माइकिङ र घरदैलो कार्यक्रमहरू चलाइरहेका छन्, जसमा वीरगञ्ज महानगरपालिका र स्वास्थ्य कार्यालयले २२ टोली र ५ समूहको सहकार्यमा कार्य सञ्चालन गरिरहेका छन्। स्वास्थ्य कार्यालयका प्रमुख विनोद झाले नागरिकलाई सफा पानी पिउन, पकाएको खाना मात्र खान र व्यक्तिगत सरसफाइमा ध्यान दिन आग्रह गरेका छन्। साथै, संक्रमित भएका लक्षण देखिएमा नजिकको स्वास्थ्य संस्थामा तत्काल सम्पर्क गर्न पनि उनले सबैलाई चेतावनी दिएका छन्।