काठमाडौं भदौ ४ । सर्वोच्च अदालतले गौर हत्याकाण्डबारे जारी गरेको परमादेशबारे छलफल गर्न संघीय लोकतान्त्रिक मोर्चाले बुधबार बैठक आह्वान गरेको छ।

बैठक थापागाउँस्थित जनता प्रगतिशील पार्टी नेपाल केन्द्रीय कार्यालयमा साँझ ५ बजे बस्नेछ, जसको जानकारी राष्ट्रिय मुक्ति पार्टीका महासचिव केशव झाले दिएका छन्। बैठकमा दुईवटा मुख्य कार्यसूचीमा छलफल हुनेछ। पहिलो, गौर हत्याकाण्डमा अदालतले दिएको परमादेशबारे, र दोस्रो, रुपन्देही–३ को उपनिर्वाचन तयारीका विषयमा।

सर्वोच्चले २०६३ चैत ७ गते रौतहटको गौरमा भएको हत्याकाण्डको छानबिन गर्न परमादेश जारी गरेको थियो। उक्त घटनामा मोर्चाका घटक जनता समाजवादी पार्टी नेपालका अध्यक्ष उपेन्द्र यादव पनि जोडिएका छन्। उनको विरुद्ध पनि अनुसन्धानका लागि उजुरी परेको थियो।

परमादेशबारे उपेन्द्र यादवले नआत्तिनु पर्ने प्रतिक्रिया दिएका छन्। उनी भन्छन्, “गौर हत्याकाण्ड राजनीतिक विषय भएकाले राजनीतिक शक्तिहरूले समाधान खोज्नुपर्ने हुन्छ। अहिले परमादेश जारी भएको कुरा संचार माध्यमबाट थाहा पाइयो, तर त्यसको पूर्णपाठ नआउँदासम्म प्रतिक्रिया दिनु उचित छैन।”

यादवले थपे, “हामी न्यायका पक्षमा लडिरहेका छौँ, अन्यायका विरुद्ध आवाज उठाएका छौँ।” बैठकमा रुपन्देही–३ को उपनिर्वाचनमा मोर्चाले सहमति जुटाउने विषयमा पनि छलफल हुनेछ। नागरिक उन्मुक्ति पार्टीले दल दर्ता नगरेपछि साझा उम्मेदवारका बारेमा पुनः विचार गरिनेछ। त्यहाँ स्वतन्त्र उम्मेदवारीको तयारी समेत भइरहेको छ भन्ने जानकारी महासचिव झाले दिएका छन्।