काठमाडौँ भदोै २३ । देशभर जारी जेनजी आन्दोलनका बीच कतिपय स्थानहरूमा सामाजिक सञ्जाल फेसबुक खुल्न थालेको रिपोर्ट आइरहेका छन्। धेरै प्रयोगकर्ताले आफूले फेसबुक खुल्न थालेको अनुभव गरेको बताएका छन्।
वर्ल्डलिंक, सुबिसु लगायतका इन्टरनेट सेवा प्रदायकहरूबाट फेसबुकसहितका सामाजिक सञ्जाल खुल्न थालेको जनाइएको छ। तर, नेपाल दूरसञ्चार प्राधिकरणले भने सामाजिक सञ्जालमाथिको प्रतिबन्ध सम्बन्धी सरकारी निर्णय अहिले पनि कायम रहेको स्पष्ट पारेको छ।
इंटरनेट सेवा प्रदायक सङ्घका अध्यक्ष सुधीर पराजुलीले पनि अहिलेसम्म कुनै नयाँ निर्देशन प्राप्त नभएको बताए। उनले भने, “हामीले अहिलेसम्म कुनै आधिकारिक सूचना पाएका छैनौं जसले प्रतिबन्ध हटाएको पुष्टि गर्छ।” फेसबुक खुल्न थालेको विषयले जनआन्दोलन र सरकारी नीतिबीचको द्वन्द्व झल्काउने गरेको छ भने यस विषयमा थप स्पष्टता आउन अझै समय लाग्ने देखिन्छ।
प्रतिक्रिया
सम्बन्धित खवर
