सुनसरी साउन २६ । सुनसरी जिल्लामा आज बिहान भएको भीषण सवारी दुर्घटनामा ४ जनाको मृत्यु भएको छ भने २३ जना घाइते भएका छन्।

दुर्घटना भोक्राहा नरसिंह गाउँपालिका–३ जलुवाटोलस्थित काँकडभिट्टाबाट दिक्तेलतर्फ जाँदै गरेको मे १ ख १७९९ नम्बरको बस र विपरीत दिशाबाट आएको प्रदेश २ का नम्बर ०१९०१० ज ००४७ नम्बरको माइक्रोबस बीचको ठोक्किने क्रममा भएको हो। जिल्ला प्रहरी कार्यालय सुनसरीका प्रहरी प्रवक्ता योगराज खतिवडाले जानकारी दिनुभयो कि, घटनास्थलमै तिन जनाको मृत्यु भएको र उपचारका क्रममा एक जनाको थप मृत्यु भएको छ।

घाइतेहरूको उपचार इनरुवा, विराटनगर न्यूरो अस्पताल र नोबेल अस्पतालमा भइरहेको छ। प्रहरीले बस चालक गोपाल अधिकारीलाई नियन्त्रणमा लिएर थप अनुसन्धान गरिरहेको छ। अधिकारी झापा जिल्ला अर्जुनधारा नगरपालिका–१ का हुन्। दुर्घटनाको कारण अझै पत्ता लगाउने काम जारी छ।