काठमाडौँ कार्तिक ५ । नेकपा एमाले अध्यक्ष तथा निवर्तमान प्रधानमन्त्री केपी शर्मा ओलीले आन्दोलनको आवरणमा राष्ट्रविरोधी भयानक षड्यन्त्र भइरहेको गम्भीर आरोप लगाएका छन्।
बुधबार जेनजी आन्दोलनका क्रममा आगजनी भएको बालकोटस्थित आफ्नो निवासको अवलोकनपछि सञ्चारकर्मीसँग कुरा गर्दै ओलीले आन्दोलनको नाममा सरकारी, सार्वजनिक तथा निजी सम्पत्तिमा तोडफोड र आगजनी गरिएको भन्दै त्यस्ता कार्य आपराधिक समूहले नियोजित ढंगले गराएको दाबी गरे। यो आन्दोलन होइन, यो राष्ट्रविरोधी गतिविधि हो,ू उनले भने। ओलीका अनुसार घटनाको क्रममा उनको घरमाथि तोडफोड र आगजनी हुनुका साथै महत्त्वपूर्ण सामान लुटिएको छ, तर सरकार यस्तो आपराधिक घटनाप्रति उदासीन देखिएको भन्दै उनले गम्भीर आपत्ति जनाए।
व्यक्तिगत दुस्मनी र योजनाबद्ध आक्रमणको आशंका
पूर्वप्रधानमन्त्री ओलीले गृहमन्त्रीले आफूविरुद्ध व्यक्तिगत दुस्मनी राखेको आरोप पनि लगाएका छन्। सरकारले मविरुद्ध थप योजना बनाइरहेको स्पष्ट देखिन्छ, ओलीको दाबी थियो। उनले हालै गृहमन्त्रीले दिएको एक अन्तर्वार्तालाई उद्धृत गर्दै सरकारको उद्देश्य र कार्यदिशा जनतामाझ स्पष्ट भइसकेको बताए।
‘एमाले विचलित हुँदैन’
ओलीले नेकपा एमाले कुनै षड्यन्त्र वा राजनीतिक तमाशाबाट विचलित नहुने बताउँदै “एमालेले देशमा शान्ति, सुव्यवस्था र भ्रष्टाचार नियन्त्रण गरेरै छाड्छ,” भन्ने दृढता व्यक्त गरे।
प्रतिक्रिया
सम्बन्धित खवर
