मनाङ कार्तिक २३ । मनाङमा घुम्न आएका जिग्नेशकुमार लल्लुभाइ पटेल ५२ र प्रियन्साकुमारी पटेल १७ को शव फेला परेको छ।
ती भारतीय बाबु–छोरी ३ कात्तिकदेखि सम्पर्कविहीन थिए। उनीहरू ग्याल्सेन होटेलबाट मलेरिपा गुम्बा घुम्न जान्छु भनी हिँडेका थिए। सम्पर्कविहीन भएपछि होटेलले सशस्त्र प्रहरी बल र नेपाल पर्वतीय उद्धार तालिम शिक्षालय मनाङलाई जानकारी दिएको थियो।
प्रारम्भिक खोजी प्रयासपछि पनि उनीहरू फेला नपरेपछि २३ कात्तिकमा सशस्त्र प्रहरी नायब उपरीक्षक हीराबहादुर जीसीको नेतृत्वमा उद्धार टोली खटिएको थियो। टोलीले गुम्बाबाट करिब १०० मिटर माथि हिउँले पुरिएको अवस्थामा शव फेला पारेको प्रहरी प्रवक्ता डीएसपी शैलेन्द्र थापा ले जानकारी दिनुभयो। प्रहरीले घटनास्थलबाट उद्धार गरेपछि शव आवश्यक प्रक्रिया पूरा गरी परिवारलाई बुझाउने तयारी भइरहेको जनाएको छ।
प्रतिक्रिया
सम्बन्धित खवर
