काठमाडौँ कार्तिक २३ । नेकपा एमालेका अध्यक्ष तथा पूर्वप्रधानमन्त्री केपी शर्मा ओली ले सरकारभित्र रहेका व्यक्तिहरूले जेनजी आन्दोलनको नाममा देश जलाउने काम गर्दै आएको आरोप लगाउनुभएको छ।

आइतबार काठमाडौंमा आयोजित राष्ट्रिय युवा संघ, नेपाल को केन्द्रीय कमिटी बैठकमा सम्बोधन गर्दै अध्यक्ष ओलीले भने, “सडकमा उफ्रिने आन्दोलनकारी मात्र होइनन्, जलाउनेहरूले नै देश चलाउने तमासा देखाइरहेका छन्।” उहाँले मुलुक अहिले असाधारण संकटमा रहेको भन्दै युवाहरूलाई देश र लोकतन्त्र जोगाउन अघि बढ्न प्रेरित गर्नुभयो।

ओलीले संविधान र लोकतन्त्रको रक्षा गर्न, प्रतिनिधि सभा पुनःस्थापनाको मागसहित आन्दोलनमा जाने निर्णय उहाँले लिएको स्पष्ट पार्नुभयो। उहाँको वक्तव्यले राजनीतिक अस्थिरता र आन्दोलनको नाममा भइरहेको गतिविधि सम्बन्धी गहिरो चिन्ता व्यक्त गर्दछ।