काठमाडौँ कार्तिक २३ । नेपाली बजारमा आइतबार पनि सुनको मूल्यमा वृद्धि भएको छ भने चाँदीको भाउ घटेको छ।

नेपाल सुनचाँदी व्यवसायी महासंघका अनुसार शुक्रबार प्रतितोला ६ सय रुपैयाँले बढेर दुई लाख ३८ हजार चार सय रुपैयाँमा पुगेको सुन आइतबार फेरि २ सय रुपैयाँले बढेर दुई लाख ३८ हजार छ सय रुपैयाँमा कारोबार भएको छ।

अन्तर्राष्ट्रिय बजारमा पनि सुनको दर उकालो लागेको छ। आइतबार सुनको मूल्य प्रतिऔंस १७ डलरले बढेर ४ हजार एक अमेरिकी डलरमा कारोबार भइरहेको अन्तर्राष्ट्रिय विवरणमा उल्लेख छ। त्यस्तै, चाँदीको मूल्य भने आइतबार घटेको छ। अघिल्लो कारोबारको तुलनामा प्रतितोला ५ रुपैयाँले घटेर तीन हजार १५ रुपैयाँमा कारोबार भइरहेको छ। शुक्रबार चाँदीको मूल्य तीन हजार २० रुपैयाँ थियो।