भारत कार्तिक १५ । आन्ध्र प्रदेशको कासिबुग्गामा रहेको वेंकटेश्वर मन्दिरमा शनिबार भएको भागदौडमा ९ जनाको मृत्यु भएको छ। गभर्नरले मन्दिरमा भक्तहरूको भीडभाडबीच दुर्घटना भएकोमा गहिरो दुःख व्यक्त गरेका छन्।

प्रधानमन्त्री नरेन्द्र मोदीले मृतकका परिवारप्रति समवेदना व्यक्त गर्दै घाइतेहरूको शीघ्र स्वास्थ्यलाभको कामना गरेका छन्।यसअघि गत सेप्टेम्बरमा तमिलनाडु राज्यमा लोकप्रिय अभिनेता तथा राजनीतिज्ञ विजयको चुनावी र्‍यालीमा भएको भागदौडमा ३६ जनाको मृत्यु भएको थियो। यस घटनाले भारतमा भीड व्यवस्थापन र सुरक्षा उपायको आवश्यकता पुनः उजागर गरेको छ।