काठमाडौँ कार्तिक १४ । जनमत पार्टीकी प्रदेशसभा सदस्य निलम पासवानले शुक्रबार पद तथा गोपनीयताको शपथ ग्रहण गरेकी छन्।
लुम्बिनी प्रदेशसभाका सभामुख तुलाराम घर्ती मगरले प्रदेशसभा सचिवालयमा आयोजित कार्यक्रममा पासवानलाई शपथ ग्रहण गराएको जनमत पार्टीका संसदीय दलका नेता चन्द्रकेश गुप्ताले जानकारी दिए।
पासवानलाई निर्वाचन आयोगले दलित कोटाबाट बन्दसूचीमार्फत निर्वाचित गरेको हो। जनमत पार्टीकी लुम्बिनी प्रदेशसभा सदस्य गीता गुरुङले राजीनामा दिएपछि रिक्त भएको पदमा पासवान चयन भएकी हुन्। रुपन्देहीको लुम्बिनी सांस्कृतिक नगरपालिका निवासी पासवान जनमत पार्टीका तर्फबाट प्रदेशसभामा प्रवेश गर्ने नवीन सदस्य हुन्। हाल लुम्बिनी प्रदेशसभामा जनमत पार्टीका तीन जना सदस्य रहेका छन्।
Leave a Reply