जनकपुरधाम कार्तिक १३ । मधेश प्रदेशका मुख्यमन्त्री जितेन्द्र सोनलले आगामी कात्तिक २२ गते विश्वासको मत लिन लागेका छन्। बुधबार साँझ मुख्यमन्त्री निवासमा बसेको सत्ता गठबन्धनका शीर्ष नेताहरूको बैठकले यही मिति तय गरेको हो।

विश्वासको मत पश्चात मुख्यमन्त्री सोनलले मन्त्री मण्डल विस्तार गर्ने तयारी गरिरहेका छन्। बैठकमा सरकारलाई विश्वासको मत दिने आश्वासन दिएका नागरिक उन्मुक्ति पार्टी र संघीय समाजवादी पार्टीका एक–एक सांसदको पनि सहभागिता रहेको थियो। गत असोज २९ गते पाँच दल – जसपा नेपाल, जनमत, नेकपा माओवादी केन्द्र, लोसपा र नेकपा एकीकृत समाजवादी – का ५६ सांसदको समर्थनमा सोनल मुख्यमन्त्री नियुक्त भएका थिए। सोनलले विश्वासको मत लिन दलहरूसँग समन्वय भइरहेको जानकारी दिएका छन्। सरकारको आशावादी पक्षका अनुसार, ५८ सांसदको समर्थन जुट्ने अपेक्षा छ। प्रदेशसभाको १०७ सदस्यीयमा विश्वासको मतका लागि ५४ मत आवश्यक पर्छ।

हाल गठबन्धन सरकारलाई जसपा नेपालका १८, लोसपा नेपालका ८, जनमत पार्टीका १३, माओवादी केन्द्रका ९ र एकीकृत समाजवादीका ७ गरी ५५ सांसदको समर्थन रहेको छ। तीन जना सांसद हाल निलम्बित अवस्थामा छन्।