जनकपुरधाम कार्तिक १३ । डा. सीके राउत नेतृत्वको जनमत पार्टी परित्याग गरेका उपाध्यक्ष अब्दुल खानले रेशम चौधरीको नेतृत्वमा नवगठित नागरिक उन्मुक्ति पार्टी नेपाल मा प्रवेश गरेका छन्।

बिहीबार नयाँ दल दर्ता गर्ने क्रममा अब्दुल खान र रेशम चौधरी दुवै जना निर्वाचन आयोग पुगेका थिए। आयोगमा निवेदन दर्ता गर्दै चौधरीले जनमत पार्टीबाट अलग भएर नयाँ राजनीतिक यात्राको घोषणा गरेका हुन्।

जनमत पार्टीभित्र लामो समयदेखि आन्तरिक मतभेद देखिँदै आएको थियो। विशेषतः रेशम चौधरी र उनकी पत्नी रञ्जिता श्रेष्ठबीचको विवादपछि चौधरीले नयाँ दल गठनको तयारी अघि बढाएका थिए। रेशमले जनमतसँग सम्बन्ध विच्छेद गर्दै ‘नागरिक उन्मुक्ति पार्टी नेपाल’ नामक नयाँ राजनीतिक संगठन स्थापना गरेका हुन्। यसअघि असोजको पहिलो साता अब्दुल खानसहित जनमतका पाँच जना केन्द्रीय नेताले पार्टी छोड्ने निर्णय गरेका थिए।