एजेन्सी कार्तिक १३ । इजरायली सेनाले मंगलबार राति गाजामा गरेको हवाई आक्रमणमा हालसम्म १ सय ४० भन्दा बढी प्यालेस्टिनी नागरिकको मृत्यु भएको हमासद्वारा सञ्चालित स्वास्थ्य मन्त्रालयले जनाएको छ।

इजरायली सेनाको आक्रमण अमेरिकाको मध्यस्थतामा भएको युद्धविराम सम्झौता उल्लङ्घन भएको आरोपमा आएको बताइएको छ। इजरायलका रक्षामन्त्रीले गाजामा हमासमाथि हमला गरी मृतक बन्धकहरूको शव फिर्ता गर्ने सर्तहरू उल्लङ्घन गरेको आरोप लगाएका छन्। तर हमासले आक्रमणसँग यसको कुनै सम्बन्ध नभएको र सम्झौताप्रति प्रतिबद्ध रहेको स्पष्ट पारेको छ। अमेरिकी राष्ट्रपति डोनाल्ड ट्रम्पले युद्धविरामलाई खतरामा पार्ने कुनै गतिविधि नभएको बताएका छन्। तर उहाँले इजरायलले आफ्ना सैनिकहरूलाई लक्षित गरिएको घटनामा प्रतिक्रिया दिनुपर्ने तर्क राख्नुभएको छ।