काठमाडौँ भदौ २३ । देशव्यापी रुपमा फैलिएको जेनजी आन्दोलनमा प्रहरीको गोली लागेर मृत्यु हुनेको संख्या १५ पुगेको छ। प्रहरीका एक उच्च अधिकारीले रातोपाटीसँग कुरा गर्दै उक्त जानकारी दिएका हुन्।
मृतक विवरण र घटनास्थल
ट्रमा सेन्टरमा ७ जना, सिभिल अस्पतालमा ३ जना, त्रिवि शिक्षण अस्पतालमा १ जना र काठमाडौँ मेडिकल कलेज सिनामंगलमा २ जनाको मृत्यु भइसकेको छ। टाउकोमा गोली लागेर मृत्यु हुनेमा बाँकेका २५ वर्षीय सुलभ राज श्रेष्ठ र १९ वर्षीय सिमाय चौलागाईं छन्। कालिकोट खाडाचक्र नगरपालिका–१ का २५ वर्षीय पवन शाहीको पेटमा गोली लागेको थियो।
प्रहरी गोली प्रहारमा घाइतेहरू
प्रहरीको गोली लागेर कान्तिपुर टेलिभिजनका पत्रकार श्याम श्रेष्ठ र नयाँ पत्रिका दैनिकका फोटो पत्रकार दिपेन्द्र ढुंगाना घाइते भएका छन्। बानेश्वरस्थित प्रदर्शनमा घाइते भएका ८७ जनाको विभिन्न अस्पतालमा उपचार भइरहेको छ।
प्रहरी र प्रदर्शनकारीबीच तनाव
प्रदर्शन स्थलमा प्रहरीले भ्रष्टाचारविरुद्ध आवाज उठाउने युवाहरूलाई गोली प्रहार गरेको खुलेको छ। घटना पछि प्रदर्शन अझ तनावपूर्ण बनेको छ र देशव्यापी आन्दोलनमा थप उग्रता आउने सम्भावना देखिएको छ।
प्रतिक्रिया
सम्बन्धित खवर
