झापा- झापाको कनकाई नगरपालिका-५ नारायणदल चोकमा एक दम्पती घाँटी रेटिएको अवस्थामा फेला परेका छन् ।घटनामा श्रीमतीको मृत्यु भएको छ भने श्रीमानको गम्भीर अवस्थामा उपचार भइरहेको छ ।
स्थानीय योगेन्द्र बस्यालको घरमा २/३ महिना अगाडी देखि डेरा गरेर बस्दै आएका अन्दाजी ३९ बर्षका लालबहादुर सार्की र उनकी श्रीमती मनिषा मंग्रान्तीमाथि खुकुरी प्रहार भएको प्रहरीले जनाएको छ ।
घाइतेमध्ये मंग्रान्तीको घटनास्थलमै मृत्यु भएको छ भने उनका श्रीमान लालबहादुरको गम्भीर अवस्थामा उपचार भइरहेको छ ।
अहिले प्रहरीले घटनास्थलमा पुगेर मुचुल्का उठाउन सुरु गरेको जनाएको छ । दम्पतीबीच झगडा भएर घटना भएको हुनसक्ने प्रहरीले प्रारम्भिक अनुमान गरेको छ ।
प्रतिक्रिया
सम्बन्धित खवर
