जनकपुरधाम
हंसपुर नगरपालिका वडा नम्बर–६ सोनिगामास्थित सामुदायिक विद्यालय परिसरमा घर निर्माण गरी कब्जा भन्दै यसको विरोधमा नकेपा माओवादी केन्द्रले नगरपालिकामा तालाबन्दी गर्दै चार दिन देखि धर्ना दिदै आएका छन । माओवादी कार्यकर्ताहरुले विद्यालय परिसर खाली गराउने विषयमा कार्यपालिकाले गरेको निर्णय तत्काल लागू गर्नुपर्ने अडान राख्दै नगरप्रमुख प्रदिप यादवलाई ज्ञापन पत्र बुझाएका छन् । तर, नगरप्रमुख यादवले निर्णय तत्काल लागू गर्न अस्वीकार गरेपछि उनीहरुले अनिश्चितकालीन धर्ना सुरु गरेका हुन् ।उनिहरुले आफुहरुको मांग प्रति नगर प्रमुख गम्भीर नदेखिएको कारणले गर्दा दिएको जनाएका छन । उनले आफुहरुको मांग सम्बोधन नभए सम्म धर्ना र विरोधको कार्यक्रम जारी रहने जनाएका छन ।
धर्नामा बसेका माओवादी कार्यकर्ताहरुले विद्यालय परिसर खाली गराउने सम्झौता भए मात्र तालाबन्दी खोल्ने बताएका छन् ।
माओवादी नगर कमिटीले ३० बुँदे माग राख्दै नगरपालिकालाई ज्ञापन पत्र बुझाएको थियो ।