वीरगञ्ज
सशस्त्र प्रहरी बल नेपाल, पर्सा भन्सार छलकपट क आनल गेल लत्ताकपड़ासहित मेसिनरी पार्टपुर्जा नियन्त्रणमे लैत आइब रहल अइछ । सशस्त्र प्रहरी वितल दू दिनमे अलग–अलग ठामँसँ करिब ४५ लाख टकासँ बेसी दामके भन्सार नै चुकेने सामान नियन्त्रणमे लेल गेल जनौलक अइछ । सशस्त्र प्रहरी नायब उपरीक्षक विष्णुहरि घिमिरे सशस्त्र प्रहरीक सक्रियताक कारण भन्सार छली क आनल सामान दैनिक नियन्त्रणमे लैत आएल जानकारी देलैन ।
प्रस्तावित सीमा सुरक्षा गुल्म वीरगञ्जसँ खटल टोली रैवदिन वीरगञ्ज महानगर–१६ स्थित इनर्वा तथा सीमानाकासँ आनल १३ लाख ३६ हजार नौँ सओ ३५ टका बराबरक किनारा, कस्मेटिक्स, मोटरपार्ट्स, मोबाइल एसेसोरिज आ कपड़ालगायतक सामान बरामद केलक अइछ । सशस्त्र प्रहरी ना ५३ प ९३०६ नम्बरक करिब रदू लाख टका बराबरके मोटरसाइकलसेहो नियन्त्रित कएल अइछ । सशस्त्र प्रहरी बल पर्सा आ वीरगञ्ज भन्सार कार्यालयसँ शैनदिन खटल टोली वीरगञ्ज महानगर–६ स्थित लाठगलीसँ प्रवेज अक्तरके स्टोरक गोदामसँ भन्सार छली क भण्डारण कएल गेल ३० लाख ४९ हजार टका बराबरके कपड़ा बरामद क वीरगञ्ज भन्सार कार्यालयमे दाखिला केलक अइछ ।
चालु आर्थिक वर्षक चाइर महिनाक अवधिमे सशस्त्र प्रहरी पर्सा जिलामे भन्सार छली क आनल गेल १५ करोड़ १८ लाख टका बराबरके वस्तु तथा सामान नियन्त्रणमे लेने छल । सशस्त्र प्रहरी बल पर्सा चालु आवक चाइर महिनाक अवधिमे १२ करोड़ ५३ लाख ८८ हजार नौ सओ ३३ टका बराबरके भन्सार छली क आनल लत्ताकपड़ा, इलेक्ट्रोनिक्स सामान, हाडवेयर, मोटर पार्टस, खाद्यान्न पदार्थ आ किराना सामान वीरगञ्ज भन्सार कार्यालयकेँ सौपल गेल जनौलक अइछ । एहिना सएह अवधिमे दू करोड़ ६४ लाख ३० हजार एक सओ ४९ टका बराबरके बिलबिजक नै भेल सामान राजस्व अनुसन्धान कार्यालय पथलैयाके देल गेल जनाएल गेल अइछ ।
प्रतिक्रिया
