काठमाडौं : ‘फिगर कोकाकोला’ गर्ल अशिष्मा नकर्मी आमा बन्ने भएकी छन् । विवाह बन्धनमा बाँधिएको ७ वर्षपछि उनले पहिलो सन्तानलाई जन्म दिन लागेकी हुन् । २०७४ सालमा उनले नविनचन्द्र प्रधानसँग विवाह गरेकी थिइन् । विवाहपछि श्रीमानसँग अमेरिकामा बस्दै आइरहेकी उनले सोमबार इन्स्टाग्राममा बेबी बम्पसहितको तस्वीरहरु सेअर गर्दै आमा बन्न लागेको खुसी साटेकी हुन् ।
उनले लेखेकी छन्, ‘हामीले सबैभन्दा मीठो रहस्यलाई लुकाउँदै आयौं । र, अब संसारसँग हाम्रो खुसी साझा गर्ने समय आएको छ । लामो प्रतीक्षापछि हाम्रो प्रार्थनाको जवाफ मिलेको छ । मार्च २०२५ मा हाम्रो खुसीको सौगात आउँदैछ ।’ उनको उक्त पोस्टमा अभिनेत्रीहरु सृष्टि श्रेष्ठ, रेश्मा घिमिरे, गरिमा पन्त, अभिनेता कर्मा शाक्य लगायतले बधाई दिएका छन् ।
अमेरिकामै सन्तानलाई जन्म दिन लागेकी अशिष्माले विवाहपछि फिल्म ‘मेला’ र नेवारी भाषाको फिल्म ‘लाखे आजु’मा काम गरेकी थिइन् । फिल्म ‘अर्धकट्टी’को ‘फिगर कोकाकोला’ गीतले उनलाई दर्शकमाझ चिनाएको थियो । उनको डेब्यु फिल्म भने ‘अन्तराल’ हो । ‘तोरी लाउरे’, ‘लभ यु बाबा’, ‘बाटो मुनीको फुल २’, ‘संरक्षण’ लगायतका करिब एक दर्जन फिल्ममा काम गरिसकेकी अशिष्माले थुप्रै नेपाली तथा नेवारी म्यूजिक भिडियोमा पनि अभिनय गरेकी छिन् ।
View this post on Instagram
प्रतिक्रिया
सम्बन्धित खवर
