लहान: सिरहामा एक जनप्रतिनिधी दुई देशको नागरिक रहेको खुलासा भएको छ । लहान नगरपालिका ७ का वडाध्यक्ष रामऔतार शर्मा नेपाल भारत दुई देशको नागरिरक भएको पाईएको हो ।

नेपालमा लहान ७ घर भएका ५२ बर्षिय वडाध्यक्ष शर्मा भारत राजस्थानको खान्दवा तहसील बुहाना झुनझुनका स्थायि बासिन्दा हुन् । राजस्थानका उच्च सरकारी अधिकारीहरुले उपलब्ध गराएको कागजपत्र अनुसार झुनझुन राजस्थानमा उनको मतदाता नामाबलिमा नाम अझै छ । उनको मतदाता क्रमसँख्या १०२४ हो भने मतदाता नम्बर १८६०६९७ हो ( हे. तस्विर ) । मतदाता नामाबलीमा उनको माता पिताको नाम क्रमशः बिमला देवि र विश्वम्भर दयाल उल्लेख छ ।

तिनै वडाध्यक्ष रामऔतार शर्माले हालै आफ्नो भाईसँग गरेको अंशबण्डाले पनि भारतको नागरिकता हालसम्म नत्यागेके प्रमाणित हुन्छ । वडाध्यक्ष शर्माले ४० बर्षिय भाई विकास शर्मासँग सन् २०१७ मा जग्गा अंशबण्डा गरेको कागजपत्र फेला परेको छ ( हे. तस्विर ) ।
वडाध्यक्ष शर्माले नेपालको नागरिकता भने २०५४ सालमा लिएको देखिन्छ । हामीलाई प्राप्त वडाध्यक्ष शर्माको नागरिकताको छायाँकपीमा शर्माले २०५४ साल ११ महिना २८ गते इलाका प्रशासन कार्यालय लहानबाट नेपाली नागरिकताको प्रमाणपत्र लिएको ब्येहोरा उल्लेख छ । नागरिकतामा भारतमा झैँ नेपाली नागरिकतामा पनि पिताको नाम बिश्वम्भर दयाल उल्लेख गरिए पनि थरमा शर्मा थपिएको छ । नागरिकताको प्रमाणपत्र दिने अधिकारीको नाम हरिहर दहाल उल्लेख गरिएको छ भने नागरिकता प्रमाणपत्र नं. १८९ रहेको छ । शर्माले २०६५ सालमा नागरिकताको दोश्रो प्रतिलिपी लिएको देखिन्छ ।

शर्मासँग तपाईँको दुबै देशको नागरिक हुनुहुँदो रहेछ नि भनेर प्रश्न गर्दा बिपक्षहरुले आफूलाई बदनाम गर्न झुठो हल्ला गरेको दाबी गरे ।