लहान । सिरहाकाे लहान नगरपालिकाबाट एक ईञ्जिनियर जागिरबाट निकालिएका छन् । आर्थिक प्रलाेभनमा परि नगरपालिकाकाे मापदण्ड बिपरित घर बनाउन नक्सा पास गरेकाे भन्दै ईञ्जिनियर एकमणि शिपालियालाई निश्काशन गरेकाे हाे ।

बर्षाैँदेखि करारमा कार्यरत सिपालिया नगरपालिकाकाे नक्सा शाखा प्रमुख थिए ।

नगरपालिका स्राेतका अनुसार ईञ्जिनियर सिपालियाले भनेजति रकम अनियमित रूपमा लिएर घर बनाउन नक्सा पास गरिदिदै आएकाेमा नगरपालिकाले पटकपटक सचेत गराउँदा पनि अटेर गरेकाथिए ।

सिपालियाले मापदण्ड बिपरित नक्सा पास गरिदिएका लहानका सयाैँ घरहरू भत्काउने पर्ने अबस्था रहेकाे बताईएकाे छ ।

कतिपयअबस्थामा उनले बिना राजश्व पनि धेरैकाे घर बनाउने नक्सा पास गरिदिएकाे पाईएकाे पनि बताईएकाे छ ।
ईञ्जिनियर एकमणी सिपालियाकाे पुर्ख्याैली घर बिराटनगर हाे । भनिन्छ ७ बर्षदेखी लहान नगरपालिकामा कार्यारत सिपालियाले अनियमितता गरेकाे पैसाले लहान बजारमा घर ठड्याएकाछन्भने धेरै ठाउँमा घडेरी पनि जाेडेकाछन् ।

सिपालियाले भ्रष्टचार गरेकाेभन्दै हालै अख्तियार दुरूपयाेग अनुसन्धान आयाेगमा उजुरी समेत दर्ता भएकाे छ । उजुरी दर्तापछि अख्तियारले सिपालिया प्रमुख रहेकाे नक्शा शाखाका सबै कागजाग नियन्त्रणमा लिएर अनुशन्धान अघि बढाएकाे छ ।